Norvega Esperantisto

Norvega Esperantisto (norvege ’Esperantobladet’) estas dumonata Esperanto-revuo de la Norvega Esperantista Ligo (NEL) , redaktata de Douglas Draper.

Ĝi funkcias kiel membrogazeto por Norvega Esperantista Ligo kaj direktas sin precipe al norvegaj esperantistoj. Celante la membrojn de NEL, la revuo precipe raportas pri la agadoj de la asocio: jarraportoj, analizoj de agadoj. Kelkaj artikoloj aŭ fragmentoj de ili aperas en la norvega.

Ankaŭ troviĝas en la revuo informoj pri Esperanto trovitaj en aliaj naciaj gazetoj aŭ radioj, impresoj de partoprenoj en Esperanto-renkontiĝoj, kaj la rubriko ”Inter ni dirite – la junulara forumo” en kiu estas ankaŭ tradukita norvega bildstrio Pondus.

Sur la malantaŭa paĝo troviĝas informoj pri novaj libroj kaj varoj aperintaj en la mendoservo de NEL.